RA XNISNU
Ra nis dohb ni rnis nes dañ, nu´xnesni ni txesa nix rlyani. Nak sarani ni rda´ leñ butey byatr gyax, ra ni nak nis dohb gi›a ni bohb blya leñ butey gipnya
BKWEX
Nis dohb re nalyuna, ni txe rlya go›atsni, rlya bi´ani ni raksa rdxaksa´neni dohb gi›a, te sik reñka rdu´ni.
DOHB BLYA›
Nex xtohb blyanu ni sak, dxiblas señba, ryadxba ni ryu´salas biñlaba, te txe to nis dohb gots rina ni gyasa, ni txe lapni rniani, ni diapsana. Rnisna nes dañ ro´lo blah xan ra gyakro´.
DOHB KWæL
Txe ni sakru. Ni rlepya nis dohb. Bal gak to xtidxba nik nakba to nis dohb kwæl, inyanu nakni “ Nakni xtabl nis dohb”.
KUYOTY
Nis dohb dañ, rniani nga´ siga gi›a ni nex byas, gi› nex ni rlya nes dañ. Nex go›ats, nde ryapdah ni ri be´ani te reñka nak dohbga. Txi a wyawni rakbæw Ẍi sakru rdu´ni.
ẌINI RUTX NIS DOHB
Nakni to nis ni rutx gay kwa ra dohb ni rnis nes dañ: dohb pkwal, dohb blya, pkwex, kuyoty ni dohb gitx, ni txesa rdu´ni.
.
Toh gara dohbgi be›be rdu´ni txi rdxaksa´rani. Siga ni rdxa gi›a lo pkug txi rkiñ to runi, go0ats ru´ni, sigaksa nakni txi gol rutx dohb kwæl loni ni siga dohb pkwex.
KUTXGIX
Dohb re dyap rina te nakna dohb dañ, dxiplas ryu´las biñna, ryana to nis do› ni gahn, ni a bsedynu sini nakna.
DOHB GI›A
Ga›n sani ryani, txe rlyana siga nis kok, rdu´goxsani, ni raksakna. Rakna siga nis dohb ni sak ni nsey rẌitx. Nikni gety na gyætxna.
